(fi) Die voll G'schtopftä Möhlin blicken auf eine tolle Fasnacht 2025 zurück:
«Mit dem Süschee händ mir als Züri Böögg mit eusne Schtäckepfärdli bi schtrahlend blauem Himmel e fantastischi Fasnacht dörfe gniessä. E Brännduur vo mehr als 30 Minute schtoht für en nasse und trüebe Summer. Do sind mir froh, dass d Fasnacht im Winter schtattfindet, denn im 2024 isch schlussändlich in Heiden AR dr Chopf vom Böögg erscht nach 31 Minute und 28 Sekunde explodiert. Aber ebe - das hett zum Glück absolut kei Ifluss uf euses Fasnachtswätter gha. Mir säge vo ganzem Härze Dankeschön de Meler Galgevögel, de Fasnachtzunft Ryburg, dr Gmei Meli, eusne Hälfer und Schponsore und de viele Zueschauer am Schtrosserand. Au wenn mir alli es bitz truurig sind, dass die 5. Johreszyt scho wieder verby isch, rüefe mir euch zue: Gniesset au diä andere vier Johreszyte – au wenn d Sunne it immer cha schyne. Mir gshend eus ganz sicher wieder, wenn’s heisst: Narri Narro, d Fasnacht 2026 isch do!» Foto: zVg
